03 iyul 2022 08:08
426

BMT-nin baş katibi Liviyadakı tərəfləri sabitliyi qorumağa çağırıb

BMT-nin baş katibi Liviyadakı tərəfləri zorakılıqdan çəkinməyə və sabitliyi qorumağa çağırıb

BMT-nin baş katibi Antonio Quterreş Liviyada bütün tərəfləri zorakılıqdan və etirazlar fonunda ölkədə sabitliyə xələl gətirə biləcək addımlardan çəkinməyə çağırıb. 

"İki sahil"in TASS-a istinadən verdiyi xəbərə görə, bu barədə baş katibin sözçüsü Stefan Düjarrikin yaydığı bəyanatda deyilir.

“BMT-nin baş katibi iyulun 1-də Liviyanın bir sıra şəhərlərində, o cümlədən Tripoli, Tobruk və Benqazidə etiraz aksiyaları ilə bağlı vəziyyəti narahatlıqla iqarşıladığını deyir. Baş katib dinc nümayiş hüququnu tanıyaraq bütün etirazçıları zorakılıqdan çəkinməyə, təhlükəsizlik qüvvələrini isə təmkinli olmağa çağırır”.