Elə qidalar var ki, onlar  şişkinlik, ağırlıq hissi yaratmır və bağırsağın funksiyasını normallaşdırır.Mütəxəssislər tərəfindən məsləhət görüldüyü və  həzm prosesini sürətləndirəcək qidaları  təqdim edirik.

Acı bibər

Aparılan araşdırmalar nəticəsində acı bibərin tərkibində olan kimyəvi birləşmələrin ürək ritmini və həzmi sürətləndirdiyi ortaya çıxıb. Acı bibər və ədviyyatlı yemək yedikdən sonra 3 saat ərzində həzm prosesi 25 faiz daha sürətli olur.

Balıq

Tərkibində 3 yağ turşusu ehtiva edən balığın həzmi sürətləndirən leptin hormonuna təsiri məlum olub. Məhz bunun üçün hər br insanın gündəlik rasionunda mütləq balıq olmalıdır.

Yaşıl çay

Tərkibindəki ECGC birləşməsi sayəsində sinir sisteminin və beynin fəaliyyətini yaxşılaşdırır. Bu da həzmin sürətinə təsir edir.

Süd və süd məhsulları

Yağsız süd və süd məhsullarını gündə 3-4 pors qəbul etsəniz, bu, həzmin sürətlənməsinə və çəki atmanıza kömək edəcək.

Protein

Toyuq və hind toyuğu ətinin tərkibindəki protein həzmi sürətləndirir. Eyni zamanda, əzələlərə də faydalıdır.

Qırmızı və sarı mərcimək

Sağlam bir pəhrizdə olması lazım olan müxtəlif paxlalılar arasında ən asan həzm olunandır. Buna səbəb isə  mərciməyin tərkibində olan dəmirdir. Həzmi yaxşılaşdırmaqla qanda şəkərin səviyyəsini də normallaşdırır. Mərcimək, həmçinin  toksinləri toplamır, B1 vitamini və əvəzolunmaz amin turşuları ilə zəngindir.

Avokado

Görünüşünə görə xoşagəlməz olan bu yumşaq meyvə təəccüblü dərəcədə zülal və liflə zəngindir. Orta ölçülü avokadoda təxminən 12 q sağlam lif var.  Məhz buna görə o, mədədə ağırlıq hissi yaratmır və həzm prosesini sürətləndirir. Pəhrizinizə avokadonu daxil etməklə siz bir anda bir neçə problemi aradan qaldıracaqsınız. Bu  ekzotik meyvə bağırsaq mikroflorasının tərkibini yaxşılaşdırır, peristaltikanı gücləndirir. Yeri gəlmişkən,  avokado immun sistemini də  gücləndirir.

 Kəpək və dənli bitkilər

Cücərmiş buğdaya və bütöv yulaflara gəlincə, təbiət hələ həzm sisteminin sağlamlığı üçün bundan gözəl  məhsullar icad etməyib. Taxılların üzərinə qaynar su tökün və bir müddət dəmlənməsini gözləyin.  İnan ki, mədəniz üçün daha  sağlam yemək ola bilməz.

İspanaq

Yaşıl tərəvəzlər arasında həzm sistemini yaxşılaşdıran ən yaxşı qidalardan biridir

İspanaq şirəsində çoxlu manqan var. Bu maddə öz növbəsində ,beyinə və mədə-bağırsaq sisteminə müsbət təsir edir. O,  həmçinin xoşbəxtlik hormonlarının istehsalında çox önəmli rol oynamaqdadır.

 Badam

Maddələr mübadiləsini normallaşdırır, görmə qabiliyyətini yaxşılaşdırır və ürək-damar sisteminə müsbət təsir göstərir. Badamın faydalı xüsusiyyətlərinin siyahısı bununla bitmir. O, həmçinin müxtəlif vitaminlərin  təbii mənbəyidir.  Gündə bir ovuc badam (təxminən on ədəd) həzm prosesini yaxşılaşdırmağa kifayət edəcəkdir.

 Xurma

Bu meyvə xüsusilə həzm problemləri üçün tövsiyə olunur.  Pektinlər ilə zəngin xurma  təkcə bağırsaqları təmizləmir, həm də bifidobakteriyalar üçün əsas qidadır, onların böyüməsini və fəaliyyətini stimullaşdırır.

Kətan toxumu

Aparılan araşdırmalar nəticəsində müəyyən olub ki, kətan toxumu  piylənmənin qarşısını alır və çəkinin azalmasına kömək olur. Kətan toxumunda olan sağlam yağlar və lif, uzun müddət tox tutaraq daha az kalori almaq imkanı verir. Həmçinin qanda xolesterinin səviyyəsini aşağı salır, mədənin  iltihablı reflüksdan və qıcıqlanmadan qoruyur.  Çəkinizin azalmasını istəyirsinizsə, salatlarınıza, şorbalarınıza və yediyiniz istənilən qidanıza bir neçə çay qaşığı üyüdülmüş kətan toxumu qata bilərsiniz. Kətan toxumu həzm problemlərindən əziyyət çəkənlər üçün olduqca faydalıdır. Bağırsaqlardakı iltihabı azaldır. Lif qaynağıdır. Qəbizliyin qarşısını almaq üçün 1-3 yemək qaşığı kətan toxumunu kök suyu ilə qarışdırıb içə bilərsiniz.

Samirə Tağıyeva, “İki sahil”