20 may 2022 12:51
595

“Azəriqaz”: Biz öz işimizi eyni tərkibdə davam edirik

Aparılan yoxlamadan sonra “Azəriqaz” İstehsalat Birliyi öz işini eyni tərkibdə davam edir.

“İki sahil” xəbər verir ki, bunu "Azəriqaz" İstehsalat Birliyinin (İB) Hüquq departamentinin rəhbəri Vüqar Eyvazov "Açıq qapı" aksiyası çərçivəsində jurnalistlərə açıqlamasında bildirib.

Onun sözlərinə görə, yoxlama, nəzarət idarəçilikdə tətbiq edilən əsas üsullardan biridir. Zərurət yarandığı təqdirdə və yaxud dövlət qurumları məqsədə uyğun hesab etdiyi halda bütün qurumlar müvafiq qaydada yoxlanılırlar.

“Verilən, maraqlandırılan suallara cavab verildi və biz yenə də fəaliyyətimizə davam edirik, elə eyni tərkibdə. Yəni, bu, qəbul edilən normal təcrübədir”, - deyə, Vüqar Eyvazov vurğulayıb.

Xatırladaq ki, bir neçə gün əvvəl "Azəriqaz"-ın 4 şöbə müdirinin həbsi barədə məlumat yayılıb.