12 iyul 2019 12:50
158

Qafqazın təşəkkülündə İslam dini və mədəniyyəti mühüm rol oynayıb

“İslam sivilizasiyası Qafqazda” II Beynəlxalq Simpoziumu islamşünas alimləri bir araya toplayıb. İnanıram ki, çox uğurlu nəticələr verəcək. Çünki Qafqazın təşəkkülündə İslam dini və mədəniyyəti mühüm rol oynayıb.

Bu fikri AZƏRTAC-a müsahibəsində Türkiyənin Bilecik Universitetinin təsisçi rektoru, professor Azmi Özcan deyib. O bildirib ki, Simpoziumda Qafqaz regionunun və burada yaşayan insanların İslam mədəniyyətinə, sivilizasiyasına verdikləri və verə biləcəkləri töhfələr müzakirə olunur.

Elm adamlarının hazırladıqları məruzələr Qafqazda İslam sivilizasiyası haqqında geniş informasiyalari əhatə edir. Belə bir simpoziumun keçirilməsinə görə Azərbaycan dövlətinə və təşkilatçılara təşəkkürümü bildirirəm.