KÖŞƏ

Vəli İlyasov

Dünyanın ən böyük yalanı: “erməni soyqırımı”

23 aprel 2019 10:21
363

Türkiyənin tanınmış tarixçilərindən olan Mehmet Perincik Rusiya arxivlərində uzun illər apardığı axtarışlardan sonra faktlarla sübut edib ki, 1915-ci ildə ermənilərin sözdə uydurduqları “soyqırımı” yalandır və belə hadisə baş verməyib. Ermənilərə aid tarixi sənədlər sübut edir ki, əslində həmin dövrdə Türkiyə dövlətinə qarşı xəyanət baş verib. O dövrdə erməni daşnakları Osmanlı imperiyasının düşmənləri ilə gizli əməkdaşlıq ediblər. Elə buna görə də neçə illərdir ki, İrəvanda 1915-ci il hadisələrinin araşdırılması üzrə Ankara ilə birgə komissiyanın yaradılmasına qarşı çıxırlar.

Tarixçi deyir ki, o vaxt deportasiya zamanı ermənilər əsasən Deyr-əz Zor şəhərinə köçürülüblər. İndi bu şəhər Suriyada vətəndaş müharibəsinin mərkəzində olan yerlərdən biridir. Tarixçi alimin sözlərinə görə, Rusiya arxivlərindəki sənədlər 1915-ci ildə Osmanlı imperiyasının ərazisində baş verənlərə aydınlıq gətirilməsində mühüm rol oynayır. Bu arxivlərdəki sənədlərin üstündən 104 il vaxt keçir. Amma Ermənistan hələ də dünya birliyinə özünü “məzlum”, “yazıq xalq” kimi göstərməyə çalışır. Əslində isə ermənilər quzu dərisinə bürünmüş qurdlardır. Onlarda “erməni xəstəliyi” deyilən bir mərəz var. İndiyədək dünyanın heç bir həkimi və ya filosofu bu mərəzi izah edə bilmir.

Ancaq bir həqiqət məlumdur ki, ermənilər daim qan tökməyə həvəskar ikiayaqlı məxluqlardır.

Bəs 1915-ci ildə nə baş verib?

1914-cü ildə başlanan I Dünya müharibəsində bir neçə dövlət Türkiyəni yer üzündən silmək üçün hücum edib. Döyüşlərin qızğın çağlarında Türkiyə ordusunda xidmət edən ermənilər xəyanət edərək silahları ilə bərabər düşmənlər tərəfə keçərək türklərə qarşı vuruşublar. Məqsəd Türkiyə ərazisində Ermənistan dövləti yaratmaq olub. Çünki o vaxtadək ermənilərin qurumu satraplıqdan və ya knyazlıqdan o yana keçməyib. Dövlət qurmaq onları ən alçaq əməllərə belə vadar edib. Bu iyrənc məqsədə çatmaq üçün daxildəki silahlı ermənilər isə təşkilatlanıb türk kəndlərinə hücum edərək əliyalın insanları vəhşicəsinə qırıblar. Vəziyyətin təhlükəli xarakter aldığını görən hökumət başçıları erməniləri ölkənin ucqarlarına köçürməyə məcbur qalıblar. Həmin köçürülmədə ermənilərdən az sayda ölənlər olub. Bundan başqa, Türkiyəyə xəyanətdə ittiham edilən bir neçə yüz erməni hərbçi sərt cəzalandırılıb. O vaxt ermənilər günahlarını bildiklərinə görə səslərini çıxarmayıblar, həm də buna lüzum yox idi. Lakin Türkiyəyə düşmən münasibətdə olan bolşevik Rusiyası ermənilərin əməllərinə başqa don geyindirərək ortaya “soyqırımı” məsələsini atıb. Ermənistan o vaxtdan “soyqırımı”ndan yapışaraq Türkiyədən külli miqdarda təzminat almaq kimi çirkin bir məqsəd güdür. Sonra bəzi dövlətlər bu qondarma ideyadan Türkiyəyə qarşı istifadə etməyə başlayıblar. Bu süni yaradılmış proses hələ də davam etdirilir.

Erməni lobbisinin səyi nəticəsində bəzi xristian Avropa ölkələrində hətta “erməni soyqırımı”nı inkar edənlərin cinayət məsuliyyətinə cəlb edilməsinə dair qərar da çıxarılıb. Bu baxımdan ilk zərərçəkən 2015-ci ildə məşhur türk siyasətçisi, Mehmet Perincekin atası Doğu Perinçek olub. O, erməni soyqırımını inkar etdiyinə görə İsveçrədə ittiham olunmuşdu. Lakin üç aylıq həbs cəzasının qarşılığında külli miqdarda pul ödəməklə zaminə buraxılmışdı. Amma sonradan Doğu Perinçek Avropa Məhkəməsində İsveçrə hökumətinə qarşı işi udub və ədaləti bərpa edə bilib. Avropa Məhkəməsinin verdiyi qərar çox önəmli olub.

Bəzi ölkələr qondarma “erməni soyqırımı”nı tanıyıblar. Bu, erməni diasporunun çirkin fəaliyyəti və xristian təəssübkeşliyi nəticəsində mümkün olub. Türkiyə hökuməti həmin ölkələrə, eləcə də Ermənistanın özünə dəfələrlə və təkidlə 1915-ci il hadisələrinin araşdırılması üçün birgə komissiyanın yaradılmasını təklif edib. Amma rəsmi İrəvan buna getməyərək, arxivlərini qapalı saxlamaqda davam edir.

Xüsusi vurğulamaq lazımdır ki, bəzi Avropa ölkələrinin rəhbərlərindən fərqli olaraq dünyanın super dövləti olan ABŞ-ın prezidentləri heç vaxt “erməni genosidi” sözünü işlətmirlər. Oradakı diaspor hansı alçaq üsullara əl atsa da ABŞ prezidentlərinə bu iki kəlməni “dedizdirə” bilmirlər. Çünki ABŞ-da ermənilərin haqsız və yalançı olduqlarından yaxşı xəbərdardırlar.

İndi Ermənistan fakt qarşısında aciz qalıb. Sual olunur: əgər “soyqırımı” olubsa, zərər çəkmisənsə buyur, arxivlərini aç. Onda dünya görəcək ki, bu “yazıq”, “əzabkeş” ermənilər yüz minlərlə türkün qanını hecə axıdıblar. Vanda, Anadoluda, Ərzurumda, Xocalıda, Qaradağlıda, Cəmillidə, Bağanis-Ayrımda, Kərkicahanda və digər yerlərdə azərbaycanlılara divan tutmalarını isə nə qədər gizlətməyə çalışsalar da artıq bunların hamısından dünyanın xəbəri var. Daha bir fakt ondan ibarətdir ki, qondarma soyqırımı sərgüzəştlərini qızışdırmaq üçün bolşeviklər guya əvvəllər öldürülənlərin sayını 300 min, 600 min, 1 milyon, daha sonra 3 milyon nəfərə çatdırmışdılar. Amma arxiv sənədləri sübut edib ki, Türkiyədə heç bir milyon nəfər erməni mövcud olmayıb. Ancaq ermənilərin həyasızlıqları o dərəcəyə çatıb ki, hətta olmayan “faktlar” uydurmaqdan belə çəkinmirlər.

Ancaq son dövrdə Azərbaycanın apardığı məqsədyönlü fəaliyyət nəticəsində ermənilərin ağalarının himayəsi ilə yüz illərlə “türkün qanını içmək” planları artıq ifşa edilib. Dünyanın 150-dən çox ölkəsinin Azərbaycanın ərazi bütövlüyünü tam şəkildə tanıması buna ən yaxşı sübutdur. Əsl həqiqətlərin dünyaya çatdırılmasında xaricdəki Azərbaycan diasporunun fəaliyyəti təqdirəlayiqdir.

Hər il aprelin 24-də qaldırılan haray-həşir isə ermənilərin ən böyük xəyanət günü adlandırılsa, daha düzgün olardı.

Əmrah Fəqanoğlu
Vicdan yoxlaması
Sevinc Mürvətqızı
Gözdən işıq qapanlar...
Elşad Miraləm
BİZ KİMİK?
Röya Rasimqızı
Qadın olmaq...
Məhərrəm Ağalaroğlu
Dəlləklər