KÖŞƏ

Şəmsiyyə Əliqızı

Ayağı dəyən yerdə ot bitməyən siyasi “kosa”

29 yanvar 2019 10:36
1362

Özündən, eləcə də bir neçə müavinindən ibarət “partiyasında” yeni macəralar  axtarışında olan Əli Kərimli axır ki, başını qatmağa bir iş tapıb. “Facebook” sosial şəbəkəsində dostluqdan çıxarma kampaniyasına start verib. Kampaniyanın məqsədi isə sadə imiş. Belə ki, Əli Kərimli onun rəzil cəhətlərini üzünə vuran “Facebook” fəallarından qorxuya düşərək bu addımı atıb. Hətta onun sosial şəbəkədəki söyüş qrupu da bu hücumların qarşısının alınmasında aciz qalıblar. Necə deyərlər, “etmə, bulma” zamanıdır. Əli Kərimlinin öz silahdaşlarının başına gətirdiyi oyunlar indi öz başında çatlayır.

Ə.Kərimlinin eqosu hər zaman tək qalmasına və dostlarının onu tərk etməsinə səbəb olub. Öz yaxın silahdaşları da hər zaman etiraf ediblər ki, “Facebook”a saxta profilləri gətirən adam Əli Kərimlidir. Deyilənə görə, özü də daxil olmaqla ətrafında olan 5-10 nəfərin hərəsinə 200-300 saxta profillər açdırıb və bununla özünə “like” topladır. Onun sabiq müavini  Razi Nurullayev mətbuata açıqlamasında bildirmişdi ki, ilk dəfə saxta profillərdən istifadə etməyi Əli Kərimli gətirib. Onu da deyib ki, Əli Kərimlinin ətrafında olan adamlardan kimlərin hansı saxta profilləri idarə etdiyini də bilir. Bu gün Əli Kərimli dedikdə ağıla gələnlər bu faktlardır - AXCP sədri AXC hakimiyyəti dövründə dövlət katibi postunu tutsa da, Elçibəyə qarşı aparılan rəzil və alçaq təbliğatın başında dayanıb. Bu gün radikal dağıdıcı müxalifətin içərisində hər cür insana rast gəlmək mümkündür. Əli Kərimli bu sıralamada uzun müddətdir ki, birinciliyi qoruyub-saxlamaqdadır...

“Xalq Cəbhəsi” qəzetinin baş redaktoru Elçin Mirzəbəyli “Facebook” sosial şəbəkə üzərindən bildirib: “Bir neçə gündür səbrimə sığınıb dünyanın ən rəzil, ən miskin, ən qorxaq adamının başından böyük iddialarının, ənənəvi emosional boşboğazlığının, söz yığınından ibarət, faktsız, arqumentsiz sərsəmləmələrinin sona varacağını gözləyirəm, amma olmur ki, olmur. Adam köhnə qrammafon valı kimi orta dairədə, yaxud dairənin ortasında, lap elə dairəsiz-filansız... ortasında ilişib qalıb.  İstəyirsən dişinin dibindən çıxanı deyəsən bu ayağı dəyən yerdə ot bitməyən siyasi kosaya, amma yenə də “lənət sənə kor şeytan” deyib keçirsən. İndi bu taxtabaş hikkəli-hikkəli hakimiyyətin ondan qorxduğunu deyir. Hakimiyyət qorxurmuş... Həm də kimdən? Fit çalınanda dabanına tüpürüb qaçan Əli Kərimlidən. Bədbəxt... Hakimiyyət səndən niyə qorxsun ki? Dünənin, bu günün, keçdiyin yolun hər qarışı dərin boşluqlarla doludur və hər biri ağız suyunu maqnit kimi özünə çəkir. Ay filan-filan şudə, Bakı Dövlət Universitetində Qarabağla bağlı keçirilməsi nəzərdə tutulan mitinqə qarşı etiraz etdiyin günləri xatırla... Xatırladın, Mirabbasın tapşırıqlarını icra etdiyin vaxtları deyirəm. Milli Azadlıq Hərəkatının fəal iştirakçıları çox yaxşı bilir ki, sən heç vaxt qaynar nöqtələrdə, ön sıralarda olmamısan. Həmişə gizlənmisən, qaçmısan... Ya da gizlədiblər, səni hərəkata dürtənlər xəbərdarlıq edərək “qaç” deyiblər. 1989-cu ilin dekabrında, sovet əsgərləri ilk dəfə insanlara divan tutanda harda idin? Bəs dekabrın 5-də həbs olunan tələbə yoldaşlarının azadlığa çıxması üçün mübarizə aparan insanlara niyə qoşulmadın? Tülkü kimi kola çəkildin. Təhlükə sovuşandan sonra yenidən çıxdın, yaxud çıxarıldın ortalığa.

Yanvarın 19-da axşam saatlarında, təxminən saat 19:00-da dabanına tüpürüb qaçdığını necə, unutmamısan? Sonra Müdafiə Komitəsinin üzvü olduğun barədə vəsiqən “qırmızı ordu”nun” “Krasnaya Zvezda” qəzetində dərc olundu... Biz bir qrup tələbə bu hadisədən xeyli öncə Müdafiə Komitəsində olan bütün sənədləri məhv etmişdik ki, ələ keçməsin. Amma nədənsə yalnız sənin vəsiqən ələ keçdi...

1993-cü ildə sonradan xəyanət etdiyin insanların arxasında gizlənib Naxçıvana qaçdığını və xeyli müddət orada gizləndiyini necə, xatırlamağa cəsarətin çatır? Sənin ömrün boyu bacardığın bir neçə iş olub: Qaçmaq, gizlənmək, dostlarına xəyanət etmək, başqalarının haqqına sahiblənmək, yalan danışmaq, böhtan atmaq... Yazmaqla bitməz... Mikrofon tərəfi Əbülfəz Elçibəyin otağında, dinləmə tərəfi isə sənin otağında olan cihazın sonu necə oldu? Bəs Xalq Cəbhəsinin qərargahındakı otağında, çay dəstgahı üçün nəzərdə tutulmuş kiçik masanın üzərindəki səsyazma cihazı indi hardadı? Hər dəfə otağına kimsə gələndə “matros Faiqin” çay süzmək bəhanəsi ilə düyməsini basdığı diktafonu deyirəm, xatırladın? Elə bilirdin bu əməllərindən kimsənin xəbəri yoxdur? Məsələ başqalarının səni necə tanımağında da deyil. Axı sən özün hər kəsdən yaxşı bilirsən kim olduğunu...

Mən hələ bildiklərimin cüzi bir hissəsini yazdım... Bitib tükənməz iyrənc əməllərinin siyahısı.”

Göründüyü kimi, “cidanı çuvalda gizlətmək olmur”. Sən nə qədər bloklasan da, dostluqdan çıxarsan da, söz sahibinə çatacaq.

Əmrah Fəqanoğlu
Vicdan yoxlaması
Sevinc Mürvətqızı
Gözdən işıq qapanlar...
Elşad Miraləm
BİZ KİMİK?
Röya Rasimqızı
Qadın olmaq...
Məhərrəm Ağalaroğlu
Dəlləklər