15 aprel 2019 20:07
133

Antalyada əlverişsiz hava şəraiti bir sıra çətinliklər törədib

Türkiyənin Antalya şəhərində səhər saatlarında əsən güclü külək bir sıra çətinliklər törədib.

AZƏRTAC xəbər verir ki, şəhərdə davam edən əlverişsiz hava şəraiti 15 istixananın dağılmasına, evlərin dam örtüyünün aşmasına, ağacların kökündən qopmasına və elektrik naqillərinin yararsız hala gəlməsində səbəb olub.

Hadisənin fəsadları barədə ilkin məlumatda yaralananların olmadığı bildirilir. Hazırda zərər görmüş bölgənin təmizlənməsi və elektrik naqillərinin bərpa işləri davam etdirilir.