20 noyabr 2019 14:40
134

AFFA oyunçunu 10 oyunluq cəzalandırıb

AFFA-nın İntizam Komitəsi Birinci Liqada çıxış edən “Baku Fans”ın futzalçısı Eldost Paşayevi 10 oyunluq cəzalandırıb.

“Report” milli assosiasiyanın rəsmi saytına istinadən xəbər verir ki, buna səbəb sözügedən oyunçunun “Baku Fire-2” ilə matçda rəqibi ayaqla bilərəkdən vurması, ardınca isə hakimi təhqir edərək, ona fiziki təzyiq göstərdiyi üçün birbaşa qırmızı vərəqə almasıdır.

Futzal üzrə Yüksək Liqada “Neftçi” klubunun futzalçısı Rüfət Balakişiyev isə “Araz”la qarşılaşmada hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb.