07 mart 2021 12:05
730

Şərurda yeni meyvə bağı salınıb

Muxtar respublikanın bütün bölgələrində olduğu kimi, Şərur rayonunda da yaşıllaşdırma tədbirləri davam etdirilir.

"İki sahil" AZƏRTAC-a istinadən xəbər verir ki, rayonun Xanlıqlar kəndində 0,7 hektar sahədə yeni meyvə bağı salınıb. Keçirilən yaşıllaşdırma aksiyasında idarə, müəssisə, təşkilat və ictimaiyyət nümayəndələri yaxından iştirak ediblər.

Aksiya zamanı ərazi hamarlanıb, torpaq münbitləşdirilib, əkin üçün yararlı hala salınıb. Bu əraziyə 200-dən artıq calaq edilən ərik tingi əkilib. Yeni əkilən tinglərin gövdələri ağardılıb və suvarılıb.

Analoji tədbirlər bundan sonra da davam etdiriləcək.